|  
Hello, Nokia, I Support Jones !!
|
| |
| 始終 感覺要為第一份U grad Full time 記一點事。 各方面都OKAY 九半上班，六點走 (但其實上班點都會遲少少，而六點so far 仲可以sharp走)重點係無人會理 注: 幸運地做親既工這方面都OK Free Lunch ，我發現好多人都唔夠 1 PM就走，過左 2PM 先番 (又好似無人會理) 上午和下午會各有一次，有人會細細聲: Katie，使唔使“針”水，意思係去茶水間吹水。 參與與否，可視乎閣下工作進度。 工作上當然會做錯野，但無俾人話兼叫我改番、試下。無 Hard Feeling我當d同事係好人泥Ga La。 So Far So Good 但始終在SCM養尊處休左幾年，要重新投入要productive既世界是需要時間。 我在想，同事們與以前的同伴 (無論中學，大學) 有不能說出的不同 我只細一想，我想係他們把口唔夠衰，因為夠衰，先夠好玩。 係， 我懷念在身邊的仆街， 正確一點， 係一班善良既仆街！ P.S. 每位員工都有一部電視，而我發現午飯時最多人睇既係都！市！閒！情！ 而那部電視亦堅係工作時的好伙伴！！近期，我沉醉 Channel [V]。 |
| |
| 最後 我都決定投俾 “醉拳甘乃迪” 雖則佢俾劉天蘭執過image後都唔係好得 (相反新果東既黃成智執完OK 左喎我覺得) ，但只少民主黨終於肯俾第二梯隊上位係值得支持！ 其實都只是在泛民內選擇， 家人更曾表示不如我地四個自行配票先，無謂堆哂一個度啦。 (最後，都推崇民主，互不干擾。其實，只是大家鬼鬼祟祟投完先肯講投邊個) 再講，如果我係九龍西，我真係好想投黃毓民！只要睇過佢係果d直選論壇， 佢果句-----您！講！大！話！ 好爆喎J |
| |
| 究竟 “我們就是奧運” 定係 “為中國加油”? 由哂馬式開幕到張藝謀表示2012年倫敦沒有可能超越我們若果要走多媒體路線， 閉幕禮交接表演 相比過來 就知道不是空口的高傲 整個京奧，每天都在注意賽事，誰能擇金。 它，勾起了我在中學時老師賽後的一席話: 賽後對於亞軍、季軍在分數上與冠軍相差不多而感到高興是沒有義意 因為輸給一個，都是輸。 當然，當時我覺得佢好有型啦！ 但，總是反高潮 喜歡姚明，他說：我已經把我的身體交给這個團隊，交给國家了；而且我們已經接過前辈的槍，不能扛着，而是舉過頭頂，前進！！從沒對自已傷勢有所保留。 喜歡劉翔， “請大家相信我，我會回來的” 不抗不卑 ，我就是相信他會東山再起 喜歡程菲，她說: 失敗也是一種經驗。哭過就要笑，20歲「老將」，成熟得有點過分 喜歡艾蒙斯，用真誠祝福勝利者“……事情的發生總有原因。這次不知道是什麼，不過我相信生命中總有些美好的事情會發生。”與邱健一樣多的擁抱，得到比金牌更大的尊敬。 喜歡史丹納，「我不是一個迷信的人，但我可以肯定的是，蘇珊在注視著我」，我也相信她也在頒獎台的最高。 金牌是紀錄，感動卻是態度。 還喜歡佟文，她令我知道乜野係技術性擊倒，喜歡激情的于洋、深情的超級丹，可愛的陳若琳、可惜的王呂欽，喜歡豪哭的馬琳，豪邁的劉國樑(阿孔令輝，做乜搞成咁呀?) ，喜歡初生之犢龍清泉， 喜歡陳忠和、馮坤、周蘇紅，王一梅，喜歡楊威、肖欽、陳一冰……… 誰也值得尊敬，因為運動員就是堅持，堅持，再堅持！(係係係，我同時深信有很多堅持，堅持，再堅持而含恨而終的人，成與敗， 17天道出多少) 曲終人散，難說再見。 One world One Dream TVB，ATV，唔好再逼人講“我們就是奧運”同“中國第一” 好唔好? 注(1) 我發覺舉重好好睇。 注(2) 雖則菲比斯超人無敵，但還是科比、雲迪賀根賓、波波夫惺惺相惜的競爭好看，無敵是寂寞，羅布斯呵。 |
| |
